რუსი ოკუპანტების მიერ მარიუპოლში ქიმიური იარაღის შესაძლო გამოყენების შესახებ ინფორმაცია მოწმდება, რუსებს შეეძლოთ ფოსფორის ბომბების გამოყენება.
„ამჟამად ვამოწმებთ ამ ინფორმაციას. ვცდილობთ გავიგოთ რა იყო ეს. მაგრამ წინასწარი მონაცემებით შემიძლია ვთქვა, რომ არის ვარაუდები, რომ ფოსფორის საბრძოლო მასალის გამოყენება შეიძლებოდა. საბოლოო ოფიციალური ინფორმაცია მოგვიანებით გახდება ცნობილი. მაგრამ ჩვენ უნდა გვესმოდეს, რომ ქიმიური იარაღის გამოყენების რისკი ნამდვილად არსებობს, ის საკმაოდ მაღალია“, - განაცხადა უკრაინის თავდაცვის მინისტრის მოადგილემ ჰანა მალიარმა.
კითხვაზე, დაიწყო თუ არა ომის მეორე ეტაპი უკრაინაში, მან დაადასტურა, რომ ცხელი ეტაპი უკვე დაწყებულია.
„ჩვენთან ომი მიმდინარეობს და ფაქტობრივად ცხელ ფაზაშია. ბრძოლები მიმდინარეობს. მაგალითად, შეიარაღებულმა ძალებმა გუშინ ღამით მოიგერიეს მტრის ექვსი შეტევა“, - განაცხადა მინისტრის მოადგილემ.
მალიარის თქმით, დღეს უფრო მშვიდ ვითარებაზე საუბარი არ შეიძლება, ეს არასწორია. მართლაც, ბრძოლის ინტენსივობა შემცირდა, მაგრამ მტრის სურვილი ტერიტორიის სიღრმეში წინსვლის არ იკლებს.
24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი შეჭრის დაწყების შესახებ განაცხადა.
