პენტაგონის პრესსპიკერი, ჯონ კირბი CNN-თან ადასტურებს, რომ რუსულ კრეისერ მოსკვაზე აფეთქება მოხდა, თუმცა ამბობს, რომ გემი არ ჩაძირულა.
კირბის თქმით, აშშ ჯერ ვერ შეაფასებს, გემს ესროლეს თუ არა რაკეტა.
"ჩვენ არ ვართ ზუსტად დარწმუნებულნი, რა მოხდა იქ. ჩვენი შეფასებებით, იყო სულ მცირე ერთი აფეთქება, საკმაოდ ძლიერი, რომელმაც გემს მნიშვნელოვანი დაზიანებები მიაყენა", - თქვა კირბიმ.
უკრაინაში ოფიციალური პირები აცხადებენ, რომ კრეისერს ხომალდსაწინააღმდეგო რაკეტები "ნეპტუნი" ესროლეს და გემი ჩაიძირა. ამავე დროს, რუსეთი აცხადებს, რომ გემზე საბრძოლო მასალა აფეთქდა, რის შემდეგაც წყლის ზედაპირზე რჩება.
"ჩვენ ვაფასებთ, რომ გემს შეუძლია თავისი გზით გადაადგილება და ის ამას აკეთებს; ვფიქრობთ, რომ აღმოსავლეთისკენ გადაადგილდება. მას სავარაუდოდ სევასტოპოლში გადაიყვანენ შესაკეთებლად, მაგრამ ზუსტად არ ვიცით, რამ გამოიწვია ეს", - დაამატა კირბიმ.
