რუსეთ-უკრაინის სამხედრო დაპირისპირებაში მომდევნო დღეები და კვირები შეიძლება გადამწყვეტი აღმოჩნდეს. ამის შესახებ ნატოს გენერალური მდივნის მოადგილემ, მირჩა ჯოანამ განაცხადა.
„აშკარაა, რომ მომდევნო დღეები და კვირები შეიძლება გადამწყვეტი აღმოჩნდეს, მაგრამ ომის დასრულებას ალბათ, უფრო მეტი დრო დასჭირდება“, - განაცხადა მირჩა ჯოანამ.
მისივე თქმით, ომი შესაძლოა კვირები, თვეები, წლებიც კი გაგრძელდეს.
„შეიძლება გაგრძელდეს კვირები, თვეები, წლებიც კი - ეს ბევრ ფაქტორზეა დამოკიდებული, მაგრამ საბოლოოდ, იმედია, უკრაინა ბრძოლის ველზე გაიმარჯვებს,“ - აღნიშნა მირჩა ჯოანამ.
