„19 აპრილის შეთანხმება ყოველგვარი გადახვევის გარეშე, სრული სიზუსტით უნდა იყოს შესრულებული", - ამის შესახებ ლიეტუვის საგარეო საქმეთა მინისტრმა გაბრილიუს ლანდსბერგისმა განაცხადა.
მისი თქმით, შარლ მიშელის დოკუმენტზე ხელმოწერა წინ გადადგმული ნაბიჯია, თუმცა ეს შეთანხმების საბოლოო ხაზი არ არის.
„შეთანხმება არ არის საბოლოო ხაზი. შეთანხმების ხელმოწერა ძალიან მნიშვნელოვანი წინ გადადგმული ნაბიჯია, მაგრამ პოლიტიზირებული მართლმსაჯულება, ამბიციური საარჩევნო და სასამართლო რეფორმები, ძალთა გადანაწილება პარლამენტში, ეს ის საკითხებია, რომლებიც უნდა მოგვარდეს.
მინდა ხაზი გავუსვა იმას, რომ 19 აპრილის შეთანხმება უნდა იყოს განხორციელებული ყოველგვარი გადახვევის გარეშე, მთელი სიზუსტით. მოვუწოდებ ბატონ მელიას გაითვალისწინოს ის გარანტიები, რომლებიც შეთავაზებულია ევროპის პოლიტიკური კოლეგებისგან და პარტნიორებისგან.
ძალიან მნიშვნელოვანია, რომ ყველა პოლიტიკურმა პარტიამ და არჩეულმა პარტიის წევრებმა გამოხატონ სურვილი, რომ შეუერთდნენ იმ ძალისხმევას, რომელიც ზემოაღნიშნული შეთანხმების სწრაფ და დაუყოვნებლივ განხორციელებას უზრუნველყოფს",- თქვა მან.
ლიეტუვის საგარეო საქმეთა მინისტრის, გაბრიელიუს ლანდსბერგისის ოფიციალური ვიზიტი თბილისში გუშინ, 28 აპრილს დაიწყო და დღეს დასრულდა.
