ის 3%-ც აღარ გექნებათ, დადგება თვითმმართველობის არჩევნები და სარკეში ჩაგახედებთ, - ამის შესახებ პარლამენტის იურიუდიულ საკითხთა კომიტეტის თავმჯდომარემ ანრი ოხანაშვილმა „ლელოს" დეპუტატ ანა ნაცვლიშვილის კრიტიკის პასუხად განაცხადა.
მან დეპუტატს სამოქალაქო აქტივისტების მიერ პარლამენტში შესული ოპოზიციონერი დეპუტატების მიმართ გაკეთებული შეძახილები შესახსენა და მათი დაცვის გამო დაამუნათა.
„ის არ იყო სირცხვილი მონა- მონას ძახილით რომ შემოგაცილეს პარლამენტში?!"- განაცხადა ოხანაშვილმა.
მან ოპოზიცია პარლამენტის სხდომაზე დაუსწრებლობისთვისაც გააკრიტიკა. „გმადლობთ კრიტიკისათვის, შენიშვნისთვის. სწორედ ეს სჭირდება პარლამენტს და საზოგადოებას და არა ის, ქუჩა-ქუჩა რომ დადიან და ვერ გარკვეულან, რისთვის დადიან და რა უნდათ. ვერც ხალხს ხვდენინ, სახეში ვერ უყურებენ - ვერც შეხედავს ის ხალხი, ვისი ადგილებიც პარლამენტის პლენარულ სხდომათა დარბაზში თავისუფალია", - განაცხადა ანრი ოხანაშვილმა.
შეგახსენებთ, პარლამენტის სესიაზე "ადმინისტრაციულ სამართალდარვევათა კოდექსში" დაგეგმილი ცვლილებების პროექტში დაგეგმილი ცვლილებები განიხილება.
