საქართველოს პარლამენტის თავმჯდომარე კახა კუჭავა პირადად გაუწევს მონიტორინგს შარლ მიშელის მედიაციით მომზადებული დოკუმენტით გათვალისწინებული პუნქტების დროულად და სრულფასოვნად შესრულებას, - ამის შესახებ საქართველოს პარლამენტის თავმჯდომარისა და ევროკავშირის ელჩის კარლ ჰარცელის შეხვედრეის შემდეგ გახდა ცნობილი.
პარლამენტის ინფორმაციით, საუბარი შეეხო ევროპის საბჭოს პრეზიდენტ შარლ მიშელის მედიაციით მომზადებულ დოკუმენტს და მის იმპლემენტაციას. როგორც პარლამენტის თავმჯდომარემ განაცხადა, ის პირადად გაუწევს მონიტორინგს, რომ დოკუმენტით გათვალისწინებული პუნქტები დროულად და სრულფასოვნად შესრულდეს.
შეხვედრაზე ხაზი გაესვა საქართველოს პარლამენტსა და ევროკავშირის წარმომადგენლობას შორის მჭიდრო თანამშრომლობის მნიშვნელობას.
კახა კუჭავას თქმით, ევროკავშირის წარმომადგენლობასთან წლების განმავლობაში აქტიური თანამშრომლობა აკავშირებს, რის შედეგადაც, მრავალი საინტერესო პროექტი განხორციელდა.
შეგახსენებთ: კახა კუჭავამ პარლამენტის თავმჯდომარის რანგში ევროკავშირის ელჩთან, კარლ ჰარცელთან პირველი შეხვედრა გამართა
