უკრაინაში რუსეთის აგრესიის დაწყების შემდეგ სულ 234 ბავშვი დაიღუპა და 433-ზე მეტი დაშავდა, იუწყება უკრაინის გენერალური პროკურატურა.
„2022 წლის 24 მაისის მდგომარეობით, უკრაინაში 667-ზე მეტი ბავშვი დაზარალდა რუსეთის შეიარაღებული აგრესიის შედეგად. პროკურატურის მონაცემებით, დაიღუპა 234 ბავშვი და დაშავდა 433-ზე მეტი“, - ნათქვამია გავრცელებულ ინფორმაციაში.
უწყება აზუსტებს, რომ ეს მონაცემები საბოლოო არ არის.
ამ დროისთვის ყველაზე მეტი მსხვერპლი დაფიქსირდა დონეცკის რეგიონში (146), კიევის ოლქში (116), ხარკოვის რეგიონში (103), ჩერნიგოვის რეგიონში (68), ლუგანსკის რეგიონში (50), ხერსონის რეგიონში (49), მიკოლაივის რეგიონში (45), ზაპორიჟჟიას რეგიონი (28), სუმის რეგიონი (17), ქალაქი კიევი (16) და ჟიტომირის რეგიონი (15).
რუსეთის ყოველდღიური საჰაერო და საარტილერიო დარტყმების შედეგად უკრაინაში სულ 1848 საგანმანათლებლო დაწესებულება დაზიანდა და მათგან 173 მთლიანად განადგურდა.
