„სერიოზული შეზღუდვების გარეშე ვაკონტროლებთ ვითარებას", - განაცხადა დღეს, 10 მაისს, ეკონომიკისა და მდგრადი განვითარების მინისტრმა, ნათია თურნავამ მთავრობის ადმინისტრაციაში გამართულ ბრიფინგზე.
მისივე თქმით, მთავარია, წახალისებული იქნეს ვაქცინაციის პროცესი.
„ხვალ გვექნება უწყებათაშორისი კომისიის მორიგი სხდომა, რომელიც კოვიდსა და მასთან ბრძოლას ეხება. დღემდე ჩვენ ვახერხებთ, რომ სერიოზული შეზღუდვების გარეშე ვაკონტროლოთ ვითარება. რა თქმა უნდა, მესამე ტალღაა და მესამე ტალღას უფრო მაღალი დადებითობის მახასიათებელი და უფრო მაღალი ინფიცირება ახასიათებს, მაგრამ პარალელურად, მთავარია, ვაქცინაცია წავახალისოთ. ხვალ ბევრ საკითხთან დაკავშირებით ვიმსჯელებთ", - განაცხადა თურნავამ.
