ევროკავშირის დიპლომატებმა რუსეთის წინააღმდეგ სანქციების მეექვსე პაკეტს მხარი დაუჭირეს. აღნიშნული პაკეტის თანახმად, სანქციები რუსულ ნავთობს ნაწილობრივ შეეხება და რუსეთის უმსხვილესი ბანკი, „სბერბანკი“ საერთაშორისო პლატფორმა „სვიფტიდან“ გაითიშება.
„როიტერის“ ინფორმაციით, შეთანხმება საბოლოოდ შესაძლებელი გახდა მას შემდეგ, რაც 26 ქვეყანა შეთანხმდა, რომ შემოთავაზებული „შავი სიიდან“ ამოეღოთ რუსეთის მართლმადიდებლური ეკლესიის მეთაური და კრემლის ახლო მოკავშირე, პატრიარქი კირილი.
