რუსეთის პრეზიდენტ ვლადიმერ პუტინის განცხადება „უკანასკნელ უკრაინელამდე ომის“ შესახებ არის რუსეთის მიერ დაგეგმილი გენოციდის კიდევ ერთი მტკიცებულება, – ამის შესახებ უკრაინის პრეზიდენტის ოფისის ხელმძღვანელის მრჩეველმა, მიხაილ პოდოლიაკმა სოციალურ ქსელ „ტვიტერში“ დაწერა.
„არ არსებობს „კოლექტიური დასავლეთის“ არანაირი გეგმა. მხოლოდ კონკრეტული z-არმია შევიდა სუვერენულ უკრაინაში, ბომბავს ქალაქებს და კლავს მშვიდობიან მცხოვრებლებს. ყველაფერი დანარჩენი არის პრიმიტიული პროპაგანდა, დაგეგმილი გენოციდის კიდევ ერთი მტკიცებულებაა“, – წერს პოდოლიაკი.
შეგახსენებთ, დუმაში ფრაქციების ლიდერებთან შეხვედრისას ვლადიმერ პუტინმა განაცხადა, რომ „დასავლეთს რუსეთთან ომი უკანასკნელ უკრაინელამდე სურს“.
