საქართველოს ყოფილი პრემიერ-მინისტრი, გიორგი გახარია დღეს, 29 მაისს, 17:00 საათზე პარტიის პრეზენტაციას გამართავს. პარტიას ,,საქართველოსთვის" ერქმევა.
ცნობისთვის: გახარიას გუნდს საქართველოს მეოთხე პრეზიდენტის, გიორგი მარგველაშვილის ადმინისტრაციის უფროსი, გიორგი აბაშიშვილი და საქართველოს ყოფილი ელჩი ნატო-ში, ლევან დოლიძე შეუერთდებიან.
შეგახსენებთ: გიორგი გახარიამ პრემიერ-მინისტრის თანამდებობა 2021 წლის 18 თებერვალს, მას შემდეგ დატოვა, რაც ,,ქართულმა ოცნებამ" ,,ნაციონალური მოძრაობის" თავმჯდომარის დაკავება და პარტიის ოფისის შტურმით აღება გადაწყვიტა. გახარიას მაშინდელი განცხადებით, ეს მმართველი გუნდის მიერ გადადგმული უპასუხისმგებლო ნაბიჯი იყო, რადგანაც ქვეყანაში არსებული ისედაც მძიმე პოლიტიკური ვითარება, კიდევ უფრო გამწვავდებოდა.
