სანდრო ბრეგაძე:თორნიკე გოგრიჭიანმა და კახა კინწურაშვილმა ბოდიში უნდა მოუხადონ ქართულ საზოგადოებას

"შეცდომის აღიარება და ბოდიშის მოხდა არ არის სირცხვილი – პირიქით ვაჟკაცური საქციელია ‼️",-ამის შესახებ სოციალურ ქსელში "ქართული მარშის" ლიდერი სანდრო ბრეგაძე წერს
“მართლა ნიჭიერ ქართველებად მიმაჩნია ეს ახალგაზრდები და ამიტომ ვფიქრობ რომ მსახიობებმა – თორნიკე გოგრიჭიანმა და კახა კინწურაშვილმა ბოდიში უნდა მოუხადონ ქართულ საზოგადოებას ‼️

მეც და უამრავ ქართველს გვიყვარს ეს ახალგაზრდები, მათი განსახიერებული როლები და ვფიქრობ რომ მათი ლანძღვა-გინება არ იქნება მართებული ‼️

ალბათ ეს იყო ლიბერალების პროვოკაცია, შეცდომა, გაუთვლელი ნაბიჯი ‼️

შეცდომის აღიარება და ბოდიშის მოხდა არ არის სირცხვილი – პირიქით ვაჟკაცური საქციელია ‼️

ამიტომ ქრისტესმიერი სიყვარულით ვთხოვ მათ, რომ აღიარონ შეცდომა და ამითი ჩააცხრონ ის სამართლიანი გულისწყრომა, რომელიც ქართველთა უმრავლესობას გაუჩნდა ‼️”",-წერს ბრეგაძე

ცნობისთვის, "პოსტივის" ჟურნალისტმა ნათი ბერიძემ რამდენიმე დღის წინ, სპექტაკლის რეპეტიციიდან ვიდეო გამოდო, სადაც მსახიობები კახა კინწურაშვილი და თორნიკე გოგრიჭიანი როლის შესრულების დროს ერთამენთს კოცნიან და დაწერა: "რამე მინდა დავწერო და არ ვიცი რა. მართლა, ვერ ვუყრი თავს სიტყვებს…"