"ქართული ოცნების" პროპაგანდისტი სექსუალურ შევიწროებაშია დადანაშაულებული. შალვა რამიშვილს
რამდენიმე ქალი სექსულურ ძალადობაში ერთდროულად ამხელს. მაკო ჯაბუამ, გვანცა ბუდაღაშვილმა და სოფო ახლაიამ სოციალურ ქსელში პოსტები გამოაქვეყნეს. სამივე ქალი ამბობს, რომ პრორუსული ტელეკომპანიის ბოსთან გასაუბრებაზე მისულები რამიშვილმა სექსულურად შეავიწროვა.
მაკო ჯაბუამ 20 მარტს Facebook-ზე დაწერა, რომ რამიშვილმა დაახლოებით 7-8 წლის წინ, სამსახურთან დაკავშირებით გასაუბრების დროს შეავიწროვა.
ჟურნალისტი ამბობს, რომ ამ ყველაფერზე საჯაროდ საუბრისთვის აქამდე მზად არ იყო.
შევიწროებაზე საუბრობს გვანცა ბუდაღაშვილი. მან Facebook-ზე დაწერა, რომ შემთხვევა 2018 წელს მოხდა, როცა POSTV მხოლოდ ონლაინ მედია იყო. მისი თქმით, რამიშვილმა თვითონ მიწერა და უთხრა, რომ გადაცემისთვის ახალ სახეებს ეძებდა.
POSTV-იმ განცხადება გაავრცელა, სადაც ამ ისტორიებზე პასუხი არაა. ტელეკომპანია ამბობს, რომ მათ წინააღმდეგ კამპანიაში "ლიბერალ-ფაშისტები" არიან ჩართულები. განცხადებაში ლაპარაკია ნინო ლომჯარიაზე და ეთიკის ქარტიაზე. ხელისუფლებასთან აფილირებული ტელეკომპანია ამბობს, რომ "ფეიკების მამხილებელ ტელევიზიას ფეიკებით ვერ შეაშინებენ".
