პატრიარქის ჯანმრთელობის მდგომარეობა მძიმეა - რა ინფორმაცია მოიპოვა „ნეიშენ ჯორჯიამ“
29.04.2023 ნახვები: 2320
საქართველოს კათალიკოს პატრიარქის ილია მეორეს ჯანმრთელობის მდგომარეობა მძიმეა.
„ძალიან ცუდად იყო ამ საღამოს, სუნთქავს მძიმედ, სატურაცია არის დაბალი“, - განუცხადა წყარომ საპატრიარქოდან „ნეიშენ ჯორჯიას“.
„ნეიშენ ჯორჯიამ“ ინფორმაციის გადამოწმება, პატრიარქის პირად ექიმთან, ცისანა შარტავასთან სცადა, თუმცა მას შემდეგ რაც შარტავამ გაიგო, რომ ჟურნალისტი უკავშირდებოდა პატრიარქის ჯანმრთელობის საკითხის დასაზუსტებლად, სატელეფონო საუბარი შეწყვიტა.
წყარო საპატრიარქოდან ჰყვება, რომ პატრიარქი მინიმალურად კონტაქტურია.
„ძალიან მძიმედ არის მართლაც, პრობლემას ისიც ქმნის რომ მინიმალურად კონტაქტურია“, -აცხადებს წყარო.
„ნეიშენ ჯორჯია“ თემაზე მუშაობას აგრძელებს, ინფორმაციის დასაზუსტებლად.
ცნობისთვის, რამდენიმე დღის წინ მედიაში გავრცელდა ინფორმაცია პატრიარქის შეუძლოდ ყოფნასთან დაკავშირებით. თუმცა, საქართველოს საპატრიარქოს პრესსამსახურის უფროსმა, ანდრია ჯაღმაიძემ, გავრცელებული ინფორმაცია უარყო და დასძინა, რომ პატრიარქი თავს არა თუ ცუდად, არამედ ძალიან კარგად გრძნობდა.
