რონალდომ ქართველ ფეხბურთელს სოციალურ ქსელ „ინსტაგრამში“ მიმართა და მოუწოდა, რთული პერიოდის მიუხედავად, საკუთარი შესაძლებლობების რწმენა არ დაკარგოს.
„ფეხბურთში ყველაზე მძიმე ბრძოლები ხშირად ის ბრძოლებია, რომლებსაც ვერავინ ხედავს. ხვიჩა, მე კარგად ვიცი, რას ნიშნავს ეს გრძნობა. მაგრამ არასდროს დაივიწყო, რამ მოგიყვანა აქამდე და ნუ მისცემ ერთ რთულ პერიოდს უფლებას, საკუთარ შესაძლებლობებში ეჭვი შეგატანინოს.
შეინარჩუნე შენში ეს ცეცხლი! შენი საუკეთესო დღეები ჯერ კიდევ წინ არის!“ – დაწერა რონალდომ.
მანამდე ხვიჩა კვარაცხელია ჩემპიონთა ლიგაზე „ბარსელონასთან“ მატჩის დროს მიღებულ ტრავმას გამოეხმაურა და გულშემატკივრებს მხარდაჭერისთვის მადლობა გადაუხადა.
„ვიცი, რომ უფრო ძლიერი უნდა დავბრუნდე ჩემი ხალხისთვის, რომელიც ყოველთვის ჩემს გვერდითაა. არ გიღალატებთ, პირობას ვდებ, წამს არ დავაკლებ. მადლობა ყველას მხარდაჭერისთვის, მალე შევხვდებით“, – დაწერა კვარაცხელიამ.
შეგახსენებთ, „პარი სენ-ჟერმენის“ მიერ გავრცელებული ინფორმაციით, ქართველ ფეხბურთელს „ბარსელონასთან“ შეხვედრისას ჯვარედინი მყესები გაუწყდა და უახლოეს დღეებში ოპერაცია ჩაუტარდება.
