ბერდია კალანდია
23.05.2023 ნახვები: 1461
სახელი, გვარი - ბერდია კალანდია
დაბადების წელი - 1976 წელი
მედიასაშუალება - „თაიმერი”
პოზიცია - დირექტორი
მედიასაშუალებები, სადაც გიმუშავიათ -
აფხაზეთის რადიო; საქართველოს რადიოს პირველი არხი; სააგენტო „გეა“; აფხაზეთის ტელევიზია; გაზეთი „მეოთხე“, “თაიმერი”.
- თქვენი პირველი დღე მედიაში?
- გაურკვევლობა და ემოციები, რომელსაც სახელს ვერ დავარქმევ.
- თქვენი პირველი მასალა?
- იური მეჩითოვის ფოტოგამოფენა აფხაზეთის ომზე (სასტუმრო ივერია)
-არის დღეს მედია მეოთხე ხელისფლება?
- დიახ!
- რა არის საზოგადოების დაკვეთა?
- ევოლუცია, მშვიდობიანი განვითარება, ეკონომიკური სიძლიერე, ევროკავშირში გაწევრიანება, საქართველოს ტერიტორიული მთლიანობის აღდგენა, საქართველოს, როგორც ალიანსის წევრი ქვეყანის ხილვა.
- ვის მიიჩნევთ საინტერესო რესპონდენტად?
- ლევან ბერძენიშვილს.
- რომელი ექსკლუზივი გახსოვთ დღემდე?
- ე.წ “ნარუვშილოვკა”.
- რომელი იყო ყველაზე რთული დღე მედიასაქმიანობაში?
- გალის მაისის მოვლენები.
- რომელია დღე, ფაქტი, მოვლენა, რომელიც გახარებთ?
- საქართველოს დამოუკიდებლობის დღე. შვილების დაბადების თარიღები.
- რა (სად) არის თქვენთვის კომპრომისის ზღვარი?
- თუ ჩემს პრინცის ეწინააღმდეგება კომპრომისზე არასოდეს მივდივარ.
- რომელი უფრო მნიშვნელოვანია - იყო პირველი თუ იყო მართალი?
– იყო მართალი! როცა მართალი ხარ, თავისთავად პირველიც იქნები.
- ვინ არის რესპონდენტი, რომელიც ვერ ჩაწერეთ?
- ბიძინა ივანიშვილი.
- რომელი ხელისუფლება იყო მედიასთან უფრო გახსნილი?
- შევარდნაძის ხელისუფლება.
- მასალას ჟურნალისტი „აკეთებს“, თუ რესპონდენტი?
– რესპონდენტი.
- ვინ არის პერსონა, რომელთანაც არასდროს ითანამშრომლებთ?
- ვლადიმერ პუტინი.
- რა ვითარებაში გისარგებლიათ თქვენი გავლენით?
– როდესაც გაჭირვებულ ადამიანებს დავეხმარე.
- რაზე გწყდებათ გული?
- ახლობლების და მეგობრების დაკარგვაზე.
- რა სახის ინფორმაციას არ გაავრცელებთ არასდროს?
– პირადი ცხოვრების მასალებს.
- რომელია ქართული მედიის „ოქროს ხანა“?
– შევარდნაძის ეპოქა, თუ შეიძლება მას “ოქროს ხანა” ეწოდოს.
- რისი გეშინიათ?
– ავადმყოფობის.
-„დაინგრა“ თუ „აშენდა“, რომელს ტრნასლირებთ პირველს?
– დაინგრა.
- რა უფრო მეტია ქართულ მედიაში - ნეგატივი თუ პოზიტივი?
– ნეგატივი.
- როგორია ქართული მედიის თავისუფლების ხარისხი?
- საშუალო.
- ვინ არის კოლეგა, რომელსაც ყველაზე მეტად აფასებთ?
- ნატო ონიანი.
- რა არის ჭარბად ქართულ მედიაში?
– აგრესია.
- რა აკლია ქართულ მედიას?
– განათლება.
- რომელ სატელევიზიო არხს უყურებთ?
- ტვ პირველი.
- რადიო, რომელსაც უსმენთ:
- საქართველოს რადიოს პირველი არხი.
- გაზეთი, რომელსაც კითხულობთ:
- “ქრონიკა+”, „რეზონანსი“.
- რჩეული ონალინ გამოცემა
- „თაიმერი“.
- რატომ გაურბის ქართული ბიზნესი მედიაში ინვესტირებას?
- ხელისუფლების შიში, რათა ბიზნესი არ „მოუკლან“.
- რა დოზითაა წარმოდგენლილი ქართულ მედიაში პოლიტიკური გავლენა?
- სრული დატვირთვით, რაც აფერხებს ქვეყნის და საზოგადოების განვითარებას.
- რა გაღიზიანებთ?
- უსამართლობა, უმადურობა.
- რა გახარებთ?
- სიკეთე.
- როგორია კონკურენტებთან დამოკიდებულება?
- რა თქმა უნდა, ჯანსაღი! საჭიროდ მივიჩნევ მათთან ურთიერობას, რადგან ეს წინსვლისთვის, პიროვნული და პროფესიული განვითარებისთვის აუცილებელი წინაპირობაა.
- რას არ პატიობთ კოლეგას?
– უტიფრობას.
- კითხვა, რომელზეც პასუხი დღემდე არ მიგიღიათ?
- რატომ ავირჩიე ჟურნალისტის პროფესია?!
- რას ნანობთ?
- განათლება ევროპაში, რომ არ მივიღე.
- რითი ხართ კმაყოფილი?
- ცხოვრებით.
- რა არის მთავარი - სიმართლე, თუ სამართლიანობა?
– სამართლიანობა.
- იაზრებენ, თუ არა მედიაწარმომადგნლები თავიანთ როლს სოციუმში?
- თუ ზოგიერთი მათგანის საქმიანობას გავითვალისწინებთ, ხშირ შემთხვევაში გადაჭარბებულადაც კი.
- რატომ აღარ გვენდობა ხალხი?
- იმიტომ, რომ ვმუშაობთ სარედაქციო პოლიტიკით და არა ხალხისთვის.
- არის თუ არა მედია ხალხთან ახლოს?
- არა!
- მედია ჟურნალისტიკაა, ბიზნესი, თუ სკანდალისტიკა?
- ჟურნალისტიკაა, მაგრამ დღევანდელ საქართველოში და არა მარტო საქართველოში, მედია - სკანდალისტიკაა.
- რა არის მედიასტანდარტი?
- მედიასტანდარტი ობიექტურობაა, თუმცა, დღეს ქართულ მედიაში სტანდარტები არ არსებობს და თუ არსებობს მცირე დოზით!
- რატომ დაავიწყდა ქართულ მედიას მედია სტანდარტი?
- იმიტომ, რომ მედია პოლიტიზირებულია!
- შეგიძლიათ დასახელება კოლეგის, რომელიც ეთერში არ უნდა იჯდეს?
- შალვა რამიშვილი.
- რატომ გაურბიან მედიის წარმომადგენლები კოლეგებზე კრიტიკულად საუბარს?
- სარგებლისთვის იჭერენ თადარიგს.
- ვინ არის ქართული მედია მეტრი?
- ასეთი არავინ არსებობს.
- რატომ გვყავს მედია „დედები და მამები“?
- მედია ფინანსურ მარწუხებშია, სწორედ, ამ ფაქტორმა განაპირობა “დედებისა და მამების” არსებობა მედიაში.
- რეიტინგი, თუ აკადემიური ჟურნალსტიკა?
- აკადემიური ჟურნალისტიკა, რომელსაც მკითხველი, მსმენელი და მაყურებელი არ ჰყავს.
- რა არ უნდა გააკეთო ექსკლუზივისთვის ჟურნალისტმა?
- ყველაფერი არ უნდა იკადრო.
- რა კითხვა არ უნდა დასვს ჟურნალისტმა?
- რამდენს გადამიხდი?!
- არსებობს, თუ არა ჟურნალისტიკაში ე.წ. დოგმა?
- სამწუხაროდ, არსებობს და სადაც არსებობს იქ, ჟურნალისტიკა აღარ არის.
- რატომ ჰგავს ყველა ქართული ტელევიზიის ე.წ. “ბადე” ერთმანეთს?
- იმიტომ, რომ მედიას პოლიტიკა მართავს.
- რა არის ჟურნალისტიკის მთავარი ფუნქცია - საზოგადოების ინფორმირება თუ პროპაგანდა?
- ინფორმირება, მაგრამ დღევანდელი მედიის არსებობის მთავარი ლაიტმოტივი პროპაგანდაა.
- არსებობს, თუ არა ობიექტური ჟურნალისტიკა და თუ არსებობს, რაში გამოიხატება?
- მცირე დოზით, მაგრამ არსებობს. როცა ჟურნალისტი ფაქტებს დაუმახინჯებლად აწვდის საზოგადოებას, ეს უკვე ობიექტური ჟურნალისტიკაა.
- აქვს, თუ არა ჟურნალისტს საკუთარი აზრის საჯაროდ გამოთქმის უფლება მედიასაშაულებით?
- უფლება აქვს, საშუალება - არა!
- უნდა არსებობდეს, თუ არა ჟურნალისტიკის ფაკულტეტი?
- რა თქმა უნდა!
