უკრაინის პრეზიდენტმა, ვოლოდიმირ ზელენსკიმ კანადის პრემიერ-მინისტრ ჯასტინ ტრუდოსთან სატელეფონო საუბარი გამართა. ამის შესახებ უკრაინის პრეზიდენტი ტელეგრამის საკუთარ გვერდზე წერს.
როგორც ზელენსკი აღნიშნავს, მან მადლობა გადაუხადა ტრუდოს უკრაინაში ვიზიტისთვის და ყველა კანადელს უკრაინელების მხარდაჭერისთვის.
„ვისაუბრეთ ბრძოლის ველზე არსებულ ვითარებაზე. გავუზიარე უკრაინული შეფასებები რუსეთში გადატრიალების მცდელობის შესახებ და მის გავლენაზე საომარი მოქმედებების მიმდინარეობაზე“, – წერს ვოლოდიმირ ზელენსკი.
ამასთან, ზელენსკის ცნობით, კანადის პრემიერ-მინისტრთან სატელეფონო ზარისას ისაუბრა ზაპორიჟიეს ატომურ ელექტროსადგურზე საოკუპაციო ჯარების მიერ შექმნილ სახიფათო ვითარებაზეც.
