როდის შემოვა პირველი გემი ანაკლიის პორტში - ეკონომიკის მინისტრს კონკრეტული თარიღის დასახელება უჭირს. როგორც მინისტრის საათის ფარგლებში ლევან დავითაშვილმა რომან გოცირიძის კითხვაზე პასუხისას აღნიშნა, მშენებელი კომპანიის შერჩევის შემდეგ, დაახლოებით, სამი წელია ის პერიოდი, როცა პორტის მშენებლობის პირველი ფაზა დასრულდება.
"ჩვენ გათვალისწინებული გვაქვს, რომ მშენებლობის დაწყებიდან დაახლოებით, სამი წელი უნდა დასჭირდეს პორტს, რომ პირველი ფაზა დასრულდეს. ვფიქრობთ, რომ მშენებლის შერჩევიდან 9 თვის განმავლობაში ყველა მოსამზადებელი სამუშაო იქნება დასრულებული და იურიდიულად იქნება მზად მშენებელი კომპანია, რომ სამუშაოს შეუდგეს,“ - ამბობს დავითაშვილი.
