გერმანიის ფედერალურმა საკონსტიტუციო სასამართლომ უარი თქვა განეხილა ოლიგარქ ალიშერ უსმანოვის სარჩელი, რაც მის იახტაზე 2022 წელს ჩატარებული ჩხრეკის კანონიერებას ეხებოდა.
ალიშერ უსმანოვმა საკონსტიტუციო სასამართლოს სარჩელით 2023 წლის ზაფხულში მიმართა ოლიგარქი დავობდა, რომ ჩხრეკამ ხელყო მისი ადამიანური ღირსება და დაარღვია საცხოვრებლის ხელშეუხებლობის უფლება.
"დოიჩე ველეს" ინფორმაციით, საკონსტიტუციო სასამართლომ საჩივრის განხილვაზე უარი იმით ახსნა, რომ მისთვის მიმართვამდე მომჩივანს ყველა შესაძლო იურიდიული საშუალება არ გამოუყენებია და ამასთან, საკმარისად ვერც ის დაასაბუთა, რომ იახტა მართლაც მისი პირადი სივრცე იყო.
ალიშერ უსმანოვი დავობს საქართველოშიც. 2023 წლის ნოემბერში ცნობილი გახდა, რომ საქმე ეხება კომპანია Metalloinvest-ის მიერ "ლიბერთი ბანკში" განთავსებულ რამდენიმე მილიონ ევროს, რომელიც საერთაშორისო სანქციების შესაბამისად გაყინულია. უსმანოვის უფლებადამცველები მიუთითებენ იმაზე რომ ამ თანხების გაყინვის პერიოდში ქვეყანაში არ არსებობდა შესაბამისი კანონმდებლობა, რომლითაც თანხების გაყინვა უნდა მომხდარიყო.
კომპანია Metalloinvest-ი თავის მხრივ, რუსული საინვესტიციო ჰოლდინგის, USM-ის შვილობილი კომპანიაა, რომლის 49%-იან წილს უზბეკური წარმოშობის რუსი მილიარდერი, ალიშერ უსმანოვი ფლობს.
თავად უსმანოვი რუსეთის მოქალაქეობის მქონე ერთ-ერთი უმდიდრესი ადამიანია, რომლის ქონებას ამერიკული Forbes-ი $14.5 მილიარდად აფასებს.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
