საქართველოს ეროვნული ბანკი დაინტერესებულ არასაბანკო ინსტიტუტებს რეგულირების ლაბორატორიის ესქრო მომსახურების პროექტში მონაწილეობას სთავაზობს. ამის შესახებ ინფორმაციას ეროვნული ბანკი ავრცელებს.
მათივე ცნობით, პროექტის მიზანია საქართველოს ეროვნული ბანკის მიერ რეგულირების ჩარჩოს შექმნა, ამ პროცესში დაინტერესებულ პირთა ჩართულობით.
„მიმდინარე ეტაპზე, საბანკო დაწესებულებებში ანგარიშების გახსნის შესახებ ინსტრუქციის შესაბამისად, მხოლოდ კომერციული ბანკი შეიძლება იყოს ესქრო აგენტი, რომელიც ესქრო ხელშეკრულების პირობების შესაბამისად ახორციელებს ესქრო მომსახურებას. აღნიშნული პროექტის მონაწილე არასაბანკო ინსტიტუტებს კი შესაძლებლობა ექნებათ ეროვნულ ბანკს ელექტრონულად წარუდგინონ ესქრო მომსახურების საკუთარი სქემები, რომლებიც უნდა იყოს კანონთან შესაბამისობაში და იმ ფარგლებში, რაც კომერციული ბანკებისთვის არის დაშვებული. აღნიშნულ სქემებს ეროვნული ბანკი დადგენილი წესის შესაბამისად განიხილავს.
ეროვნული ბანკი ხელს უწყობს ფინტექ სექტორის განვითარებას და აღნიშნული პროექტიც ამ მიმართულებით გადადგმული კიდევ ერთი ნაბიჯია. ეროვნული ბანკი მზადაა პროექტით დაინტერესებულ პირთა განაცხადები 2024 წლის 15 იანვრიდან 2024 წლის 1 სექტემბრამდე მიიღოს. რეგულირების ლაბორატორიის შესახებ დამატებით ინფორმაციას შეგიძლიათ გაეცნოთ შემდეგ ბმულზე.
დაინტერესებულ პირებს დამატებითი ინფორმაციის მისაღებად და რეგულირების ლაბორატორიის პროექტში ჩართვის მიზნით შეუძლიათ მიმართონ საქართველოს ეროვნული ბანკის ინოვაციების ოფისს: innovationoffice@nbg.gov.ge
მოცემული არ უნდა იქნას აღქმული, როგორც ადმინისტრაციული ორგანოს დაპირება ან/და საქართველოს ეროვნული ბანკისთვის რაიმე სახის სამართლებრივი ვალდებულება მარეგულირებელი/საკანონმდებლო ჩარჩოს შემუშავებასა და მოცემული საქმიანობისთვის მესამე პირებისთვის შესაბამისი უფლებამოსილების მინიჭებასთან დაკავშირებით“, - ნათქვამია ინფორმაციაში.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
