უკრაინის პრეზიდენტი ვოლოდიმირ ზელენსკი დღეს ბერლინში ჩავა და გერმანიის კანცლერ ოლაფ შოლცს შეხვდება. მედიის ინფორმაციით, ოლაფ შოლცი და ვოლოდიმირ ზელენსკი უსაფრთხოების შესახებ შეთანხმებას მოაწერენ ხელს.
„მოლაპარაკების ფარგლებში, ხელი მოეწერება ორმხრივ შეთანხმებას უსაფრთხოების ვალდებულებებისა და გრძელვადიანი მხარდაჭერის შესახებ“, - განაცხადა გერმანიის მთავრობის წარმომადგენელმა.
დღის მეორე ნახევარში ზელენსკი გერმანიის პრეზიდენტ ფრანკ-ვალტერ შტაინმაიერს შეხვდება.
ვოლოდიმირ ზელენსკი ხვალ მიუნხენის უსაფრთხოების კონფერენციაზე სიტყვით გამოვა და ორმხრივ შეხვედრებს გამართავს.
