ევროპის ჩემპიონატზე E ჯგუფის პირველი შეხვედრა რუმინეთისა და უკრაინის ეროვნული გუნდების მატჩით გაიხსნა.
შეხვედრა რუმინელების აშკარა უპირატესობით წარიმართა და მათ მეტოქეს სამი უპასუხო ბურთი გაუტანეს – 3:0
29′ წუთი. რუმინელების კაპიტანმა ნიკოლაე სტანჩუმ უკრაინელთა მეკარის შეცდომით ისარგებლა და შორეული, უძლიერესი დარტყმით (116 კილომეტრი საათში) ანგარიში გახსნა – 1:0.
53′ წუთზე რუმინელთა მორიგი შეტევა რაზვან მარინმა შორეული დარტყმით დააგვირგვინა – 2:0.
მალევე, 57′ წუთზე რუმინელებმა სხვაობა კიდევ უფრო გაზარდეს. ლუნინის კარი ამჯერად დენის დრაგუსმა აიღო და უკრაინელები ურთულეს მდგომარეობაში აღმოჩნდნენ – 3:0.
რუმინეთის ნაკრები ამ გამარჯვებით, ჯერჯერობით, ჯგუფის ლიდერია.
უკრაინელები მომდევნო შეხვედრას სლოვაკეთის წინააღმდეგ 21 ივნისს ჩაატარებენ, 22 ივნისს კი რუმინელები ჯგუფის ფავორიტს, ბელგიის ეროვნულ გუნდს დაუპირისპირდებიან.