ბათუმის ხელოვნების უნივერსიტეტის დეკანს და ოთხ სტუდენტს აღკვეთის ღონისძიების სახით პატიმრობა შეეფარდა
11.12.2024 ნახვები: 662
ბათუმის ხელოვნების უნივერსიტეტის დეკანს, მამუკა ჯორბენაძეს და ოთხ სტუდენტს სასამართლომ აღკვეთის ღონისძიების სახით პატიმრობა შეუფარდა. საქმე ლევან ყოლბაიამ განიხილა.
მოსამართლის თქმით, განჩინება 48 საათში შესაძლოა გასაჩივრდეს.
დაცვის მხარის ადვოკატი დავით ჯაფარიძე სასამართლოს აღკვეთის ღონისძიების სახის 1000 ლარის ოდენობით გირაოს გამოყენებას სთავაზობდა.
თავის მხრივ, პროკურორი პაატა ცეცხლაძე დაკავებულთა მიმართ პატიმრობას ითხოვდა. პროკურორის თქმით, არსებობს დანაშაულის ხელახლა გამეორების და მტკიცებულების განადგურების საფრთხე.
ცნობისთვის, გამოძიების ინფორმაციით, ლექტორი და სტუდენტები, ბათუმში ჯგუფურად ჩადენილი ძალადობის ბრალდებით, მოსამართლის განჩინების საფუძველზე, რამდენიმე დღის წინ დააკავეს.
მომდევნო სასამართლო პროცესი 28 იანვარს გაიმართება.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
