თბილისში ძმები დავით და გიორგი ფეიქრიშვილები დააკავეს. გავრცელებული ინფორმაციით, მათი დაკავება ძალადობასა და გამოძალვას უკავშირდება.
არსებული ცნობებით, სამართალდამცველებმა ძმები წუხელ, სხვადასხვა ადგილას დააკავეს. ერთ-ერთი მათგანი სასტუმროში, მეორე კი საცხოვრებელ სახლში აიყვანეს.
გავრცელებული ინფორმაციით, ძმები კრიმინალურ წრეებთან არიან დაკავშირებული.
ამ ეტაპზე უწყების ოფიციალური განმარტება და ინფორმაცია იმის შესახებ, კონკრეტულად რა ბრალდება წარედგინათ დაკავებულებს, არ გავრცელებულა.
