ბუნდესტაგის არჩევნებში ფრიდრიხ მერცის კონსერვატიული ბლოკი ლიდერობს

ხმების დათვლის დასრულების შემდეგ ოფიციალური წინასწარი შედეგების მიხედვით, ბუნდესტაგის ვადამდელ არჩევნებში ფრიდრიხ მერცის კონსერვატიულმა ბლოკმა - ქრისტიან-დემოკრატიული კავშირი/ქრისტიან-სოციალური კავშირი (CDU/CSU) 28,6%-ით გაიმარჯვა, - ინფორმაციას „დოიჩე ველე“ ავრცელებს.

მეორე ადგილზე გავიდა ულტრამემარჯვენე „ალტერნატივა გერმანიისთვის“ (AfD) ხმების 20,8%-ით, მესამე ადგილზეა მემარცხენე ცენტრისტული „გერმანიის სოციალ-დემოკრატიული პარტია“ (SPD) 16,4%-ით, შედეგებით მეოთხეა მემარცხენე ლიბერალური „ალიანსი 90/მწვანეები“ (ხმების 11,6%), მეხუთე ადგილს იკავებს „მემარცხენე პარტია“ (8,8%).

დანარჩენმა პარტიებმა პარლამენტში შესვლისთვის საჭირო 5%-იანი ბარიერი ვერ გადალახეს.