გოჩა მირცხულავა: კობახიძე მემკვიდრედ ბიძინას უნდა თუ არა, ამას არა აქვს მნიშვნელობა, კობახიძეს მიაჩნ
მაიკ უოლცი - გვაქვს ცეცხლის შეწყვეტა ჰაერიდან ინფრასტრუქტურაზე, ვაპირებთ, ვისაუბროთ შავ ზღვაში ცეცხლის შეწყვეტაზე
24.03.2025 ნახვები: 296
ეროვნული უსაფრთხოების საკითხებში აშშ-ის პრეზიდენტის მრჩევლის, მაიკ უოლცის განცხადებით, პრეზიდენტი დონალდ ტრამპი უკრაინისა და რუსეთის ლიდერებს უკრაინიდან გატაცებული ბავშვების საკითხზე ესაუბრა.
CBS News-თან ინტერვიუში ჟურნალისტმა გაიხსენა, რომ აშშ-ის პრეზიდენტმა იმ უკრაინელი ბავშვების დაბრუნების სურვილი გამოთქვა, რომლებიც გაიტაცეს მათი რუსიფიკაციის, ოჯახებიდან წაყვანისა და რუსეთში გადაყვანის მიზნით და უოლცს დაუსვა შეკითხვა, რატომ შეუწყვიტა სახელმწიფო დეპარტამენტმა დაფინანსება ერთ-ერთ პროგრამას, იელის უნივერსიტეტის პროგრამას რომელიც ამ ბავშვების პოვნას უწყობდა ხელს. კითხვაზე საპასუხოს უოლცმა განაცხადა :
„სახელმწიფო მდივანი რუბიო აწარმოებს ყველა ამ პროგრამის გადახედვას. კონკრეტულზე ვერ ვისაუბრებ. მაგრამ შემიძლია ვთქვა, რომ პრეზიდენტი ტრამპი ორივე ლიდერს ესაუბრა ტყვეების გაცვლის შესახებ. რუსებმაც და უკრაინელებმაც გაცვალეს ტყვეები, დაახლოებით 200, სატელეფონო ზარების შემდეგ დაუყოვნებლივ. მან ასევე ისაუბრა ამ ბავშვების მომავალზე“, - აღნიშნა უოლცმა.
მისი თქმით, ეს, უპირველეს ყოვლისა, ნდობის აღდგენის ზომებია.
კითხვაზე, ითხოვენ თუ არა ამ ბავშვების გათავისუფლებას, როგორც ნდობის აღდგენის ღონისძიებას, უოლცმა უპასუხა.
„ვსაუბრობთ ნდობის აღდგენის არაერთ ზომაზე. ეს არის ერთ-ერთი მათგანი“.
