დონალდ ტრამპი - უკრაინასთან იშვიათი ლითონების შესახებ შეთანხმებას მივაღწიეთ, ხელს მალე მოვაწერთ
25.03.2025 ნახვები: 425
უკრაინასთან იშვიათი ლითონების შესახებ შეთანხმებას მალე გავაფორმებთ, - ამის შესახებ აშშ-ის პრეზიდენტმა, დონალდ ტრამპმა თეთრ სახლში გამართულ კაბინეტის შეხვედრაზე ჟურნალისტებს განუცხადა.
„იშვიათი ლითონების შესახებ შეთანხმებას მივაღწიეთ. ხელს მალე მოვაწერთ. ახლა ტერიტორიების შესახებ ვსაუბრობთ. სადემარკაციო ხაზების შესახებ ვსაუბრობთ“, - განაცხადა დონალდ ტრამპმა.
ასევე, მისი თქმით, უკრაინასთან ელექტროსადგურების ამერიკული კომპანიების მფლობელობაში გადაცემის საკითხი განიხილება.
„ელექტროსადგურის მფლობელობის საკითხზე ვსაუბრობთ. ადამიანები ამბობენ, რომ ელექტროსადგურს აშშ უნდა ფლობდეს, რადგან ჩვენ ამის ექსპერტიზა გვაქვს“, - აღნიშნა აშშ-ის პრეზიდენტმა.
