გოჩა მირცხულავა: კობახიძე მემკვიდრედ ბიძინას უნდა თუ არა, ამას არა აქვს მნიშვნელობა, კობახიძეს მიაჩნ
სტამბოლის მერის მოვალეობის შემსრულებლად ოპოზიციონერი ნური ასლანი აირჩიეს
27.03.2025 ნახვები: 293
სტამბოლის ოპოზიციური მერის დაპატიმრების შემდეგ, სტამბოლის ოპოზიციურმა მუნიციპალურმა საბჭომ დროებითი მერი აირჩია. ამის შესახებ ინფორმაციას გამოცემა Reuters-ი ავრცელებს.
კერძოდ, 26 მარტს, სტამბოლის 314-წევრიანმა საბჭომ, რომელშიც ოპოზიციურ “სახალხო რესპუბლიკურ პარტიას” უმრავლესობა აქვს, დროებით მერად 177 ხმით პარტიის წევრი ნური ასლანი აირჩია, რომელიც მერის მოვალეობას შეასრულებს იმამოღლუს ვადის ამოწურვამდე.
გამოცემა Reuters-ი აღნიშნავს, რომ დროებითი მერის არჩევა ცენტრალურ ხელისუფლებას მუნიციპალიტეტის სამართავად რწმუნებულის დანიშვნის საშუალებას არ აძლევს, როგორც ეს რამდენიმე სხვა ქალაქში მოხდა.
როგორც ცნობილია, თურქულმა პოლიციამ 19 მარტს სტამბოლის მერი, ეკრემ იმამოღლუ დააპატიმრა, რომელიც ოპოზიციური “სახალხო რესპუბლიკური პარტიის” ერთ-ერთი ლიდერია და პრეზიდენტი რეჯეფ თაიდ ერდოღანის მთავარ პოლიტიკურ ოპონენტად განიხილება. იმამოღლუს დაპატიმრებამ ქვეყანაში მასობრივი პროტესტები გამოიწვია.
