თბილისის მერობის კანდიდატი ირაკლი კუპრაძე და ვიცე მერობის კანდიდატები ალეკო ელისაშვილი და ტატა ხვედელიანი დღეს თაბუკაშვილის 25 ნომერში მდებარე ავარიული სახლის მაცხოვრებლებს შეხვდნენ.
მე-4 კატეგორიის ავარიულ შენობას, კულტური მემკვიდრეობის სტატუსი აქვს. 9 ოჯახიდან, რომლის საკუთრებაშიც თბილისური ეზოა, ოთხი ოჯახი მე 15 წელია, ქირით არის გაყვანილი, 5 ოჯახი კი სახლის დატოეებაზე და მერიის მიერ შეთავაზებულ 500 ლარიან კომპენსაციაზე უარს ამბობს.
შენობის დანგრევა არ შეიძლება იმიტომ რომ კულტურული მემკვიდრეობის ძეგლია - გამაგრება კი შეუძლებელია, რადგან მე-4 კატეგორიის დაზიანებაა.
თბილისის მერი კალაძე ამბობს, რომ ისტორიულ ზონაში გათავისუფლებული არეალები მომზადდება საინვესტიციო მიზნებისთვის ისე, რომ ქალაქის ისტორიული იდენტობა შენარჩუნდეს, მაგრამ პარალელურად გაჩნდეს განვითარების ახალი შესაძლებლობები. ადგილობრივები შიშობენ რომ კალაძე ისტორიული შენობების მესაკუთრეებს დაზიანებული შენობების რეაბილიტაციის ნაცვლად, საკუთრების მიყიდვას აიძულებს, შემდეგ კი საინვესტიციო მიზნებისთვის გამოიყენებს.
ეს კი მესაკუთრეებს წაართმევს შესაძლებლობას, თავად განკარგონ საკუთარი ქონება, რაც მათთვის დამატებითი შემოსავლის წყარო შეიძლება გახდეს.
მერია მათ არჩევანს არ უტოვებს. ან იცხოვრებენ ავარიულ სახლში, ან გაყიდიან, რის შემდეგაც მას მერია განკარგავს. “ლელო ძლიერი საქართველოს” ლიდერები მოსახლეობას დაპირდნენ, რომ არჩეევნებში გამარჯვების შემთხვევაში, ამ პრობლემას მათ სასარგებლოდ და მათთან შეთანხმებით გადაწყვეტენ.
