ოკუპირებულ ყირიმში „სუ-27“ ტიპის ორი რუსული თვითმფრინავი გაანადგურეს
20.12.2025 ნახვები: 382
უკრაინელებმა დროებით ოკუპირებულ ყირიმში, ბელბეკის აეროდრომზე ორი რუსული „სუ-27“ ტიპის თვითმფრინავი გაანადგურეს, - ინფორმაციას უკრაინული მედია ქვეყნის უსაფრთხოების სამსახურზე დაყრდნობით ავრცელებს.
„უკრაინის უსაფრთხოების სამსახურის სპეციალური ოპერაციების ცენტრის „ალფა“-ს შორი მოქმედების დრონებმა ორი სუ-27 ტიპის თვითმფრინავი გაანადგურეს ბელბეკში, რუსეთის სამხედრო
აეროდრომზე, დროებით ოკუპირებულ ყირიმში. ერთ-ერთი თვითმფრინავი სადესანტო ზოლზე იმყოფებოდა, საბრძოლო მასალით დატვირთული და საბრძოლო მზადყოფნაში. ის განადგურდა“, - აცხადებენ უკრაინის უსაფრთხოების სამსახურში.
უწყების ინფორმაციით, ორივე თვითმფრინავის სავარაუდო ღირებულება დაახლოებით 70 მილიონი დოლარია.
ასევე დადასტურდა სადისპეტჩერო კოშკზე დარტყმა, რამაც შეიძლება გაართულოს აეროდრომზე ფრენების ორგანიზება და კონტროლი.
„ეს არის უსაფრთხოების სამსახურის მიერ მეორე წარმატებული თავდასხმა ბელბეკის აეროდრომზე ბოლო დღეების განმავლობაში. 18 დეკემბერს, უსაფრთხოების სამსახურის დრონებმა აეროდრომზე ასობით მილიონი დოლარის ღირებულების რუსული ტექნიკა გაანადგურეს“, - აცხადებენ უკრაინის უსაფრთხოების სამსახურში.
მათი ინფორმაციით, განადგურებულ რუსულ ტექნიკას შორის იყო: ორი რადარი, სარაკეტო სისტემა და „მიგ-31“ ტიპის თვითმფრინავი საბრძოლო მასალის სრული კომპლექტით.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
