სასამართლომ 625 მილიონი დოლარისა და 35 მილიონი ევროს გათეთრების ბრალდებით დაკავებულ კახა კოტორაშვილს აღკვეთის ღონისძიების სახით პატიმრობა შეუფარდა
მოსამართლე არსენ კალატოზიშვილმა ელენე ხოშტარიას 5000 ლარიანი საპატიმრო გირაო შეუფარდა
პარტიებმა, „ძლიერი საქართველო-ლელო“ და „გახარია საქართველოსთვის“ ბათუმის საკრებულოს თავმჯდომარეობისა და მაჟორიტარი დეპუტატობის ერთობლივი კანდიდატები წარადგინეს
ელენე ხოშტარიამ სახაზინო ადვოკატზე უარი განაცხადა და მასთან იზოლატორში მისულ უფლებადამცველს არ შეხვდა
დაკავებულია ყოფილი მოკრივე გიორგი კანდელაკი
IPN - ოლიმპიური ჩემპიონი ზურაბ ზვიადაური დააკავეს
რუსთავში დაკარგული მოზარდი გარდაცვლილი იპოვეს
საქართველოს ეროვნული ბანკი დიდი ოდენობით უკანონო შემოსავლის ლეგალიზაციის საქმეზე განცხადებას ავრცელებს

ერი, რომელიც კობახიძეს ითმენს

18.02.2021 ნახვები: 2268

როგორც წესი, ამ საიტზე შედარებით დიდი ანალიტიკური სტატიები და ბლოგები იბეჭდება.

თუმცა, ამჯერად, ლაკონურობის დროც მოვიდა.

გახარიას შოკისმომღველმა გადადგომამ ნათლად დაადასტურა ის, რაც აქამდე კულუარულ დონეზე ცნობილი იყო - „ქართულ ოცნებაში" დაჯგუფებების ომი მიმდინარეობს და დღევანდელი გადაწყვეტილება ერთ რამეს ნიშნავს - საკუთვრივ ბიძინა ივანიშვილის პერსონის გამოკლებით, რომლის როლიც მმართველ პარტიაში ბოლომდე გაურკვეველია, დღეს ქვეყნის რეალური მმართველი ირაკლი კობახიძეა.

ეხლა ერთი წამით შეჩერდით, ღრმად ჩაისუნთქეთ, დაიდეთ თვალწინ კობახიძეს სურათი, და უთხარით საკუთარ თავს - აი, ეს არარაობა არის დღეს ქვეყანაში გადაწყვეტილებების მთავარი მიმღები.

მასთან ერთად - სხვა ნახევრად ადამიანების კოლექცია - მდინარაძე, თალაკვაძე, ვოლსკი, ღარიბაშვილი.

წლების მანძილზე ქვეყანა ბიძინა ივანიშვილის ხუშტურებით იმართებოდა, მაგრამ ამას რაღაცა გამართლება ჰქონდა - ის კი იყო შეზღუდული გონებრივი შესაძლებლობების მქონე სოციოპატი, მაგრამ მან 6 მილიარდი დოლარი მაინც იშოვა.

რაც არ უნდა იყოს, ეს ადვილი არაა და გარკვეული თვისებებს საჭიროებს. ვაღიაროთ.

ხო და ქართველი ხალხი სწორედ ამით იმართლებდა თავს - მილიარდები აქვს, ყველას ყიდულობს, ეშმაკია, ანაკონდაა. და ა.შ.

გასაგებია.

ახლა კი აიღეთ კობახიძეს სურათი და საკუთარ თავს ჰკითხეთ - რითი იმართლებს თავს იმის გამო, რომ ეს გაურკვეველი არსება - თქვენი ცხოვრების და თქვენი შვილების მომავლის ბატონ-პატრონია?

რა არის იმის გამართლება, რომ, როგორც იტყვიან, „გოგლი-მოგლიზე გაზრდილი" დედიკოს შვილი-სოციოპატი თქვენს ცხოვრებას თავისი უბადრუკი კომპექსებიდან გამომდინარე მართავს?

იმით ხომ არა, რომ „აბა სხვა ვინ?", ან „ოპოზიცია სუსტია?" ? ვისზე სუსტია?

ერი, რომელიც კობახიძეს ითმენს - მომავლის ღირსი არაა. ის უნდა გაქრეს ისტორიიდან, და ეს იქნება ერთად-ერთი სამართლიანი განაჩენი.

ერი, რომელსაც თავზე კობახიძე, მდინარაძე, ღარიბაშვილი და ვოლსკი აზიან - მომავლის ღირსი არაა, ის უნდა გაქრეს ისტორიიდან და ეს იქნება ერთად-ერთი სამართლიანი განაჩენი.

ერი, რომელიც ამას რაიმე გამართლებას მოუძებნის - თავის ადგილს ისტორიის სანაგვეზე აუცილებლად დაიკავებს.

ავტორი: თენგიზ აბლოთია

 

ყველას ნახვა
ყველას ნახვა
ყველას ნახვა