ევროპის წამლის სააგენტო: არ არსებობს არავითარი ნიშნები იმისა, რომ AstraZeneca-ს ვაქცინა თრომბის წარმოქმნას უწყობს ხელს
17.03.2021 ნახვები: 662
ევროპის წამლის სააგენტო AstraZeneca-ს საკითხის განხილვას 18 მარტს დაასრულებს. მანამდე კი სააგენტოს წარმომადგენლები აცხადებენ, რომ თრომბის წარმოქმნასთან ვაქცინის კავშირი ჯერჯერობით არ დასტურდება. სააგენტოს დირექტორის, ემერ ქუქის თქმით, ვაქცინის უპირატესობა გვერდითი ეფექტების რისკს აღემატება.
„ამ დროისთვის არავითარი ნიშანი არ არსებობს იმისა, რომ თრომბის წარმოქმნა ვაქცინაციამ გამოიწვია. თრომბი არ გამოვლენილა ვაქცინის კლინიკური გამოცდის დროს და არ არის შეტანილი მოსალოდნელი გვერდითი ეფექტების ნუსხაში", - აცხადებს ქუქი.
EMA-ს დირექტორმა კომენტარი ევროპის 20 ქვეყნის მიერ AstraZeneca-ს ვაქცინის გამოყენების დროებით შეჩერებაზეც გააკეთა.
მისი თქმით, ქვეყნებს მსგავსი გადაწყვეტილების მიღების სრული უფლება აქვთ. ევროკავშირის ქვეყნების უმეტესობამ AstraZeneca-ს ვაქცინის გამოყენება მას შემდეგ შეაჩერა, რაც ათობით ვაქცინირებულ პაციენტს თრომბი განუვითარდა. ჯერ-ჯერობით ოფიციალურად არ დადასტურებულა, რომ თრომბი ვაქცინით იყო გამოწვეული.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
