თავდაცვისა და უშიშროების საპარლამენტო კომიტეტის ხელმძღვანელის ირაკლი ბერაიას განცხადებით, სრული სიცრუეა ერთ-ერთი მედიასაშუალების მიერ გავრცელებული ინფორმაცია, თითქოს 30 მაისს იმყოფებოდა იტალიაში, ქალაქ სტრესაში, ვილა მუჯაში გამართულ წვეულებაზე.
როგორც ბერაია სოციალურ ქსელში წერს, მიმდინარე წლის 27 მაისიდან პირველი ივნისის ჩათვლით, საქართველოს საპარლამენტო დელეგაციასთან ერთად იმყოფებოდა ვილნიუსში, სადაც მონაწილეობდა ნატო-ს საპარლამენტო ასამბლეის საგაზაფხულო სესიაში და ორმხრივ შეხვედრებს მართავდა ლიეტუვის საკანონმდებლო და აღმასრულებელი ხელისუფლების წარმომადგენლებთან.
„მიმდინარე წლის 25 ივნისს, შაბათს, „მთავარი არხის“ ეთერში გავიდა სიუჟეტი, რომლის თანახმად, თურმე, მიმდინარე წლის 30 მაისს ვიმყოფებოდი იტალიაში, ლაგო მაჯორეს სანაპიროზე, ქალაქ სტრესაში, ვილა მუჯაში გამართულ წვეულებაზე. აღნიშნული არის სრული სიცრუე და საზოგადოების შეცდომაში შეყვანის მცდელობა.
სინამდვილეში, მიმდინარე წლის 27 მაისიდან 1 ივნისის ჩათვლით, საქართველოს საპარლამენტო დელეგაციასთან ერთად ვიმყოფებოდი ვილნიუსში, სადაც 28-30 მაისს ვმონაწილეობდი ნატო-ს საპარლამენტო ასამბლეის საგაზაფხულო სესიაში, ხოლო 31 მაისს და 1 ივნისს ორმხრივ შეხვედრებს ვმართავდი ლიეტუვას საკანონმდებლო და აღმასრულებელი ხელისუფლების წარმომადგენლებთან… და ვერაინაირად ვერ ვიქნებოდი იტალიაში (სადაც ბოლოს 2017 წელს ვიყავი), როგორც ამას „მთავარი არხი“ იუწყება.
ამ ე.წ. მედია ორგანიზაციის სიბინძურე და სიცრუე ყოველგვარ ზღვარს სცდება. იმდენად დეგრადირდნენ, რომ ხარისხიანადაც ვერ იტყუებიან. სხვა არხებზე მაინც გადაერთოთ ან ნიუსები წაეკითხათ იმის გასაგებად, რა დროს სად ვიყავი.. მაგრამ საკუთარ სიბინძურეში და სიცრუეში იხარშებიან და იწამლებიან ეს „მაღალყოვლად ობიექტურები, დამოუკიდებლები და კომპეტენტურები“. საზოგადოებაც უგუნური და მარტივად მოტყუებადი ჰგონიათ. ასეთია ამათი ნამდვილი სახე. ასე იტყუებიან ყოველთვის და ყველაფერში. მერე უკვირთ, რატომ არ ვაკეთებ მათთვის კომენტარს და რატომ არ ვეწერები. არც არასდროს ჩავეწერები ამ ავანტიურისტების ბრიგადას და ახალი თაობის მავნებლებს, ამ ბინძურ და სამარცხვინო პროპაგანდისტებს“, – წერს ირაკლი ბერაია.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
