საინფორმაციო სააგენტო „როიტერის“ ინფორმაციით, ამერიკის პრეზიდენტის, ჯო ბაიდენის ადმინისტრაცია უკრაინისთვის დამატებით 800 მილიონი ამერიკული დოლარის სამხედრო დახმარებას ამზადებს.
„როიტერი“ წყაროზე დაყრდნობით წერს, რომ ამის შესახებ ბაიდენმა შესაძლოა, დღეს გამოაცხადოს.
წყაროს ინფორმაციით, ბაიდენმა შესაძლოა, სპეციალური უფლება გამოიყენოს, რომელიც პრეზიდენტს აშშ-ის მარაგებიდან ჭარბი იარაღის გატანის ნებართვას ანიჭებს.
