„სტრატეგია აღმაშენებლის“ წევრი პაატა მანჯგალაძე აცხადებს, რომ საქართველოს პრეზიდენტის, სალომე ზურაბიშვილის ინიციატივა, ყველა გაერთიანდეს და მომავალ წელს ნიკო ნიკოლაძის 180 წლის იუბილე დიდი საზეიმო წელი გახდეს ევროპული საქართველოსთვის, კარგი იდეაა.
ამასთან, მისივე თქმით, ზოგადად, თანხმობასა და შერიგებაზე „სტრატეგია აღმაშენებელი“ ორი-სამი წლის წინ საუბრობდა და ამ იდეას ახლაც უჭერს მხარს.
„ახლაც ვუჭერთ მხარს, მაგრამ თანხმობა რას ნიშნავს, ხელისუფლება რუსეთში მიათრევს საქართველოს. იმათთან თანხმობა ნიშნავს, რომ ერთად წავიდეთ რუსეთისკენ. თანხმობა როგორ გვექნება, ადამიანებმა საქართველოს გეოპოლიტიკური არჩევანი შეუცვალეს, ამიტომ არ გვაქვს თანხმობა. დემოკრატიაზე თქვეს უარი, დასავლელ პარტნიორებს ლანძღავენ ყოველდღე, ანტიქართულ განცხადებებს აკეთებენ, ამიტომ არ გვაქვს თანხმობა. პოლარიზებას ხო აქვს მიზეზები? ამის მიზეზია მიტაცებული ოლიგარქიული მმართველობა, რომელიც რუსულ ჭაობში მიათრევს საქართველოს. ამიტომ ვართ პოლარიზებული“, – განაცხადა პაატა მანჯგალაძემ.
