ქართული ოცნებისთვის“ არაფერს ნიშნავს არც პრეზიდენტის ვეტო, არც ვენეციის კომისიის შენიშვნები, ისინი მხოლოდ საკუთარ პოლიტიკურ ინტერესს – ძალაუფლების განმტკიცებას ემსახურებიან, – ამის შესახებ საქართველოს პირველ არხს „სტრატეგია აღმაშენებლის“ წევრმა, პაატა მანჯგალაძემ ვენეციის კომისიის განცხადებაზე საუბრისას აღნიშნა.
მანჯგალაძის თქმით, პრეზიდენტისა და ვენეციის კომისიის მხრიდან საკმარისი არგუმენტია, რომ ეს კანონპროექტი მიღებული არ იყოს.
„ვადები გახანგრძლივდა და პირთა წრე გაფართოვდა, რაც არ არის მიჩნეული სტანდარტად, რადგან ხელისუფლებას შესაძლებლობა ეძლევა, უფრო მეტ პირს მოუსმინოს, რაც მთავარ პრობლემად ითვლება. კანონპროექტის მიღება ოთხ-ხუთ დღეში მოხდა. ის, რომ „ქართულმა ოცნებამ“ ვინმეს საშინაო დავალება მისცა და მათ არ შეასრულეს, იცით, რომ პრეზიდენტმა ამ კანონპროექტს ვეტო დაადო. მგონი, პრეზიდენტისა და ვენეციის კომისიის მხრიდან საკმარისი არგუმენტია, რომ ეს კანონპროექტი მიღებული არ იყოს. „ქართული ოცნებისთვის“ არაფერს ნიშნავს არც პრეზიდენტის ვეტო, არც ვენეციის კომისიის შენიშვნები, ისინი მხოლოდ საკუთარ პოლიტიკურ ინტერესს – ძალაუფლების განმტკიცებას ემსახურებიან. მათ მოსმენებისთვის პირთა წრის გაფართოება სჭირდებოდათ, რომ ბიძინა ივანიშვილის უსაფრთხოება იყოს დაცული“, – განაცხადა მანჯგალაძემ.
