„წინასწარ განცხადებებს ნამდვილად არ გავაკეთებთ, რას გამოვუცხადებთ ბოიკოტს და როგორ, მაგრამ გვექნება დეტალური კოორდინაცია დასავლელ პარტნიორებთან",- ,,სტრატეგია აღმაშენებლის" ლიდერი გიორგი ვაშაძე, პარტია ,,ლელოს" ლიდერის მამაუკა ხაზარაძის დღეს 23 ივნისს გაკეთებულ განცხადებას გამოეხმაურა.
მისივე თქმით, ის გაივლის კონულტაციებს, როგორც დასავლელ პარტნიორებთან ასევე, მამუკა ხაზარაძესთან და მათ საკუთარ ხედვას გააცნობს.
ვაშაძე მიიჩნევს, რომ არ უნდა მოხდეს იმპულსური ნაბიჯების გადადგმა.
,,სტრატეგია უნდა შევიმუშავოთ მათთან ერთად, რადგან ამ შეთანხმების ხელმომწერები ვართ ჩვენ და ამის შესრულების გარანტი არის ასევე აშშ და ევროკავშირი. რაც შეეხება მამუკა ხაზარაძის განცხადებას, მე ავუსხნი ჩემს სტრატეგიას და ხედვას, მე ვფიქრობ, არ უნდა ვიჩქაროთ ასეთი განცხადებები, პირველ რიგში ჩვენი სტრატეგიული პარტნიორები, რომლებიც შეთანხმების გარანტი და მესამე მხარე არიან ამ შეთანხმების, მათთან ერთად უნდა გავიაროთ ეს საკითხი", - განაცხადა გიორგი ვაშაძემ.
ცნობისთვის, ხაზარაძემ განაცხადა, რომ თუ ხელისუფლება არ შეაჩერებს უზენაესი სასამართლოს მოსამართლეთა დანიშვნას, ოპოზიციამ პარლამენტს ბოიკოტი უნდა გამოუცხადოს.
