მინდა, მადლობა გადავუხადო ჯანდაცვის სამინისტროს, ჩვენ უკვე მივიღეთ დასტური ჩვენი ოთხი სამედიცინო ექსპერტიდან ორთან დაკავშირებით, ვიმედოვნებთ, რომ დღეს მივიღებთ დადასტურებას ექიმი კობისთვის და მოგვიანებით შევძლებთ ვნახოთ ჩვენი კლიენტი, – ამის შესახებ მიხეილ სააკაშვილის ამერიკელმა ადვოკატმა, მასიმო დანგელომ განაცხადა.
ადვოკატი იმედს გამოთქვამს, რომ ექიმი ჯეიმს კობი პაციენტთან შესვლას მალე შეძლებს.
„მადლობას ვუხდით ჯანდაცვის სამინისტროს. ჩვენ მივაწოდეთ დამატებითი ინფორმაცია და გავეცით პასუხები დამატებით კითხვებს. ვიმედოვნებთ, გვექნება მყისიერი დასტური ექიმი კობისთვის, რომელიც მშვიდობის დარგში ნობელის პრემიის მფლობელია, რომელსაც მსოფლიოს მასშტაბით ათასობით ქირურგიული ოპერაცია აქვს ჩატარებული. ვიმედოვნებთ, რომ დღეს მივიღებთ დადასტურებას და მოგვიანებით შევძლებთ ვნახოთ ჩვენი კლიენტი. ვიმედოვნებთ, რომ ჯეიმს კობი შეძლებს მის ნახვას. ველოდებით სამინისტროს პასუხს ბოლო მიმართვაზე. ჩვენ განვაახლეთ მოთხოვნა, ხაზი გავუსვით ექიმი კობის სამედიცინო კვალიფიკაციას და ფაქტს, რომ ექიმი კობი კლინიკურ პრაქტიკას აწარმოებს, რაც გულისხმობს, რომ ის მკურნალობდა და ნახულობდა პაციენტებს ბოლო ხუთი წლის განმავლობაში მთელ მსოფლიოში, მუშაობდა „ფი-ეჩ-არ“ ორგანიზაციისთვის, რომელიც არის ერთ-ერთი ყველაზე ცნობილი ადამიანის უფლებადამცველი ორგანიზაციაა მსოფლიოში. ვიმედოვნებთ, რომ ამას დაინახავენ და სწორად მოიქცევიან“, – განაცხადა დანგელომ.
