კიევის ცენტრში დაბომბვებს სულ მცირე რვა ადამიანი ემსხვერპლა. აღნიშნულის შესახებ ინფორმაციას უკრაინის ხელისუფლების წარმომადგენლები ავრცელებენ.
გავრცელებული ცნობით, სარაკეტო იერიშების შედეგად 24 ადამიანი დაშავდა.
მანამდე კიევის მერმა, ვიტალი კლიჩკომ სოციალურ ქსელში დაწერა, რომ უკრაინის დედაქალაქში რამდენიმე აფეთქება მოხდა.
ამასთან, უკრაინულ მედიაში გავრცელდა ინფორმაცია, რომ აფეთქებები იყო დნეპროპეტროვსკში, ხმელნიცკსა და ჟიტომირში, რის გამოც ადგილობრივმა ხელისუფლების წარმომადგენლებმა მოსახლეობას თავშესაფრებში დარჩენისკენ მოუწოდეს.
