„რაც მოვისმინე, კმაყოფილი არ დავრჩი. სადღეგრძელოს ჰგავდა. სულ წარმატებაზე, მიღწევებსა და საოცრებებზე იყო საუბარი", - ასე შეაფასა „მოქალაქეების" ლიდერმა ალეკო ელისაშვილმა საქართველოს პრემიერ-მინისტრის მიერ პარლამენტში ანგარიშის და ქვეყნის განვითარების ათწლიანი გეგმის წარდგენა პარლამენტში.
ელისაშვილის თქმით, დისკუსია იყო არა საგნობრივ საკითხებზე და დღეს ისევ ამის გაგრძელება იქნება.
„რაც მოვისმინე, კმაყოფილი არ დავრჩი. სადღეგრძელოს ჰგავდა. სულ წარმატებაზე, მიღწევებსა და საოცრებებზე იყო საუბარი მაშინ, როცა თავად ირაკლი ღარიბაშვილმა თქვა, რომ 550 ათასი ადამიანი სოციალურ დახმარებაზეა დამოკიდებული, სადაც 180 ათასი ბავშვია. ამ ციფრს რომ დაასახელებ და პროგრამას შემდეგ ზარ-ზეიმით წარადგენ, რა თქმა უნდა, რეალობას აცდენილი ხარ. ძალიან არ მომეწონა ის სიძულვილი, რაც მოსალოდნელი იყო. დისკუსია იყო არა საგნობრივ საკითხებზე, არამედ თქვენ ის იყავით და ესო. დღეს მეორე სერია იქნება", - განაცხადა ელისაშვილმა.
