უკრაინის შეიარაღებული ძალების გაერთიანებული ძალების მეთაური სერგეი ნაევი აცხადებს, რომ უკრაინა მუდმივად ადევნებს თვალყურს იმას, რაც ხდება ბელარუსში და ამჟამად მზად არის ბელარუსიდან შესაძლო შეტევისთვის.
ნაევის განცხადებას უკრაინული მედია ავრცელებს.
სერგეი ნაევის განმარტებით, სამხედრო საფრთხეების დონე იზომება ჯარების რაოდენობის, შემადგენლობისა და საბრძოლო პოტენციალის მიხედვით.
„ბელარუსის რესპუბლიკის შეიარაღებულ ძალებთან ერთად, რუსეთის შესაბამისი ძალებისა და საშუალებების კონცენტრაცია შექმნის ჩრდილოეთ ოპერატიულ ზონაში განმეორებითი თავდასხმის საფრთხეს, კერძოდ, ქალაქ კიევზე, თუმცა ამ სამხედრო საფრთხეების დონე მუდმივად იზომება ჩვენი პარტნიორების მიერ. მითითებული ინფორმაცია ჩვენ დროულად მოგვეწოდება და ჩვენ, როგორც პროფესიონალი სამხედროები, ასევე ვრეაგირებთ ამ სამხედრო საფრთხის დონის ზრდაზე – ვიღებთ ზომებს, რომ ჩვენი ჯარები იყოს შესაბამისი რიცხოვნობის აუცილებელი შეიარაღებით, სამხედრო ტექნიკით და მაღალი საბრძოლო პოტენციალით. ამჟამინდელი მდგომარეობით, ბელარუსის მხრიდან თავდასხმისთვის მზად ვართ“, – განაცხადა ნაევმა
