„სამომავლოდ ვერც ერთი პოლიტიკოსი - ანუ ოპონენტი მისი, ან პოლიტიკურად აქტიური პერსონა ვერ წამოაძახებს "მევახშე". თუმცა როცა მავანნი მევახშეს დღესაც ეძახიან ილიას, არ მიკვირს ეგეთი ნაგლებიც აღმოჩნდნენ. მაგრამ სულ-ხორც-პრინციპ გაყიდული და იმიტირებული კვნესის (ზუსტ შესატყვისს არ დავწერ) თავის არ მქონე ქართული პოლიტიკურ სპექტრის წარმომადგენლების უმეტესობას და მათ მხარდამჭერებს სამომავლოდ ხაზარაძის მევახშედ მოხსენიება არ გამოადგებათ - მინიმუმ აუდიტორია ეტყვით, "წადი შენს პატიოსან მამიდას მიხედე",-ამის შესახებ ანალიტიკოსი გოჩა მირცხულავა სოციალურ ქსელში წერს
„უსახურ და ფლეგმატურ ქართულ პოლიტიკაში, რომელიც დაცლილია ყოველგვარი სახალხო ინიციატივებისაგან, თვალში მომხვდა მამუკა ხაზარაძის საკმაოდ საინტერესო და აზრიანი ვიდეორგოლი. შეგიძლიათ ნახოთ მის ფეიჯზე.
რამდენჯერმე გადავახვიე და ვუყურე, ვუსმინე. აღმოვაჩინე რომ პოლიტიკოსებს შეუძლიათ ჰქონდეთ ისეთი წამოწყება, რომელიც ხალხზეა ორიენტირებული და პოპულისტური არ არის. ძნელად წარმომიდგენია, რომ დამფრთხალი ქართული ბიზნესი მას გამოეხმაურება და საკუთარ მოსახლეობას - ახალგაზრდებს დაუდგება მხარში, მაგრამ იდეის არსებობა უკვე საკმაოდ კარგი სიმპტომია.
მიუხედავად იმისა, რომ მე მაქვს აცდენა მის ცალკეულ ხედვებთან დაკავშირებით, და ამაზე არაერთხელ დამიწერია კიდეც, ალალად ვიტყვი - ერთადერთი ტიპია, ვის გასაშავებლად ხელისუფლებამ ფული, დიდი ფული დახარჯა. ეს ძალიან მნიშვნელოვანია, რადგან სხვები ან იყიდეს, ვინც არ გაიყიდა უფრო ძვირად იყიდეს. ჯიუტები და გაყიდულ-გადამგდებები ციხეში ჩასვეს ან გააქციეს ქვეყნიდან.
და კიდევ ერთი,სამომავლოდ ვერც ერთი პოლიტიკოსი - ანუ ოპონენტი მისი, ან პოლიტიკურად აქტიური პერსონა ვერ წამოაძახებს "მევახშე". თუმცა როცა მავანნი მევახშეს დღესაც ეძახიან ილიას, არ მიკვირს ეგეთი ნაგლებიც აღმოჩნდნენ. მაგრამ სულ-ხორც-პრინციპ გაყიდული და იმიტირებული კვნესის (ზუსტ შესატყვისს არ დავწერ) თავის არ მქონე ქართული პოლიტიკურ სპექტრის წარმომადგენლების უმეტესობას და მათ მხარდამჭერებს სამომავლოდ ხაზარაძის მევახშედ მოხსენიება არ გამოადგებათ - მინიმუმ აუდიტორია ეტყვით, "წადი შენს პატიოსან მამიდას მიხედე".
ჰო, ეგ ვერ გამოადგება ხელისუფლებასაც - აგერ, ფულის გამო ლამის მთელი პროგრესული მსოფლიო რომ გადაგვკიდა და მოგამდურა.
მოკლედ, მომეწონა დასაქმებასთან, ქვეყნიდან ახალგაზრდების გადინების შეჩერებასთან დაკავშირებული ხაზარაძისეული იდეები და ჰა, ვერ ვიკადრებ იმას, რომ რაც კარგია არ შევაქო. მით უფრო, რომ მუდმივად სიბნელეს უსინათლოებიც კი არ „ხედავენ““,-წერს მირცხულავა
