"ქართული ოცნების" დეპუტატი, ირაკლი ზარქუა ამბობს, რომ დეოლიგარქიზაციის კანონი ბიძინა ივანიშვილს არ უნდა შეეხოს. მისი თქმით, "ქართული ოცნების" დამფუძნებელს ოლიგარქად მხოლოდ ენმ-სთან დაახლოებული ევროპარლამენტარები მიიჩნევენ.
"დეოლიგარქიზაცია ნიშნავს თუ არა დებიძინიზაციას და არის თუ არა ბიძინა ივანიშვილი ოლიგარქი, ეს შტერობა კითხვაა. ამაზე არავინ საუბრობს. ამას კითხულობს ქალბატონი რასა იუკნევიჩიენე, რომელიც ნაციონალური მოძრაობის პოლიტიკური პარტნიორი და ამ პარტიის ფასიანი ლობისტია და ანდრიუს კუბილიუსი, რომელიც ნაციონალური მოძრაობის პარტიის წევრია. ეს 2 თუ 3 ადამიანი სვამს ამ შეკითხვას და ებრძვის ბიძინას. ბიძინა არის ქველმოქმედი და ის ადამიანი, რომელსაც თავისი ქვეყანა უყვარს. ის საკუთარი გადაწყვეტილებით პოლიტიკას გაემიჯნა. აქედან გამომდინარე, დეოლიგარქიზაცია მას ვერ შეეხება. ამ რეზოლუციას ღებულობს ევროსაბჭო, რომელშიც არიან ეს სამარცხვინოიები, რომლებიც ჩამოგითვალეთ"- თქვა ზარქუამ.
