იენს სტოლტენბერგი - მოკავშირეებმა გააკეთეს განცხადებები და გამოხატეს ერთგულება საქართველოსთვის შემდგომი დახმარების აღმოჩენის შესახებ
ხატია დეკანოიძე - უმრავლესობას ვურჩევ, გამოიყენოს „გუგლის“ საძიებო სისტემა და კარგად დააკვირდეს, რას ნიშნავს ლობისტი და რას ნიშნავს საქართველოს მეგობარი
შალვა ხაჭაპურიძის განცხადებით, საკუთარ სახლსა და ავტომობილში სათვალთვალო კამერები იპოვა
დავით მესხიშვილი:ავტოსაგზაო შემთხვევის შედეგად, ყოველწლიურად დაახლოებით, 450 ადამიანი იღუპება
ადვოკატი:სამედიცინო დასკვნაში ჩამოთვლილია ის მძიმე დაავადებები, რომელიც სასჯელისგან გათავისუფლებას ითვალისწინებს
პაატა მანჯგალაძე - ალუდა ღუდუშაური თავიდან ლიტერატურული პერსონაჟი მეგონა
ნათია ფანჯიკიძე: „დღეს ქვეყანაში სულ რამდენიმე ადამიანზე ვამბობ ხოლმე ინტელიგენტია-მეთქი და ერთ-ერთია ედუარდ სააკაშვილი
ნორვეგიის საგარეო საქმეთა მინისტრი - ქართველებს ჩვენი სოლიდარობა სჭირდებათ

სოზარ სუბარი - კეზერაშვილს ამბიცია აქვს, ეს ქვეყანა მართოს და იმ ფულის ლეგალიზება მოახდინოს, რომელიც მოიპარა

11.24.2022 | 16:12

ნაციონალურ მოძრაობას“ რებრენდინგი არ გამოუვა, მას ზურგზე ძალიან მძიმე წარსული აწევს, რასაც ვერ ჩამოირეცხავენ. კიდევ უფრო მძიმეა დღევანდელი კანდიდატები, რომლებიც პარტიას უფრო დაბლა ექაჩებიან, ვიდრე დღეს არიან. არ მგონია, შიდა ბრძოლებით რამე გამოვიდეს, – ამის შესახებ მოძრაობა „ხალხის ძალის“ წევრმა, სოზარ სუბარმა განაცხადა.

სუბარის თქმით, „ქვეყნისთვის მნიშვნელობა არ აქვს, ვინ გაიმარჯვებს და ვინ უფრო მეტ ფულს აიღებს კეზერაშვილის თუ მსგავსი ოლიგარქების სალაროდან“.

„სულხან-საბა ორბელიანს აქვს არაკი, თუ გახსოვთ, მეფეს რომ დალაქი პარსავს და უცებ, ყელზე დანას მიადებს. ბრძენს ჰკითხეს, მიწა გათხარეთ და იქ იქნება პასუხიო. მიწა რომ გათხარეს, ქოთანში ჩაფლული ოქრო აღმოჩნდა. ამ კაცმა დიდი ფული მოიპარა და იშოვა, ახლა ამბიცია გაუჩნდა, რომ ქვეყანა მართოს და გავლენები ჰქონდეს იმ სფეროებზე, რომელზეც გავლენა ვერასდროს ექნება. კეზერაშვილს ამბიცია აქვს, რომ ეს ქვეყანა მართოს და ამ ქვეყანაში იმ ფულის ლეგალიზება მოახდინოს, რომელიც მოიპარა. არ გამოვრიცხავ, გარედანაც აქეზებენ. ამის ერთ-ერთი მანიშნებელი შეიძლება, იყოს კეზერაშვილის კურტ უოლკერთან შეხვედრა“, – განაცხადა სუბარმა.