ფრაქციების "ლელო - პარტნიორობა საქართველოსა" და "შარლ მიშელის რეფორმების ჯგუფის" განცხადებით, საპარლამენტო დელეგაციებში კვოტების განაწილების პროცესში ოპოზიციური ფრაქციების იგნორირებას აქვს ადგილი.
როგორც აღნიშნული ფრაქციების თავმჯდომარეებმა ბადრი ჯაფარიძემ და ხათუნა სამნიძემ ბიუროს სხდომაზე განმარტეს, დელეგაციებში კვოტები იმდაგვარად ნაწილდება, თითქოს საპარლამენტო ფრაქცია და ორწევრიანი პოლიტიკური ჯგუფი ერთი და იგივეა. მათ კვოტების დამტკიცების გადადება და აღნიშნულ საკითხთან დაკავშირებით დამატებითი კონსულტაციების გამართვა მოითხოვეს.
"როდესაც პარლამენტში 2-წევრიანი პოლიტიკური ჯგუფების შექნაზე გადაწყვეტილებას ვიღებდით, კარგად ვიცოდეთ, რომ ეს სრულფასოვანი ფრაქცია არ იყო. კვოტების განაწილება იმდაგვარია, რომ გათვალისწინებულია ორ და ოთხწევრიანი ჯგუფები, რომელთაც ფრაქცია არ ჰქვია, ხოლო პარლამენტში ფრაქციები არსებობს და კვოტირების დროს ამის იგნორირება ხდება. კვოტები ისე ნაწილდება, თითქოს საპარლამენტო ფრაქცია და ორწევრიანი ჯგუფი არის ერთი და იგივე", - განაცხადა ხათუნა სამნიძემ პარლამენტის ბიუროს სხდომაზე.
