მძიმე საყურებელი იყო ჩემთვის, დანამდვილებით შემიძლია დაგიდასტუროთ, რომ მიშას მდგომარეობა კრიტიკულზე მძიმეა, – აღნიშნულის შესახებ საქართველოს მესამე პრეზიდენტის, მიხეილ სააკაშვილის ძმამ, გიორგი სააკაშვილმა “მთავარი არხის” ეთერში განაცხადა.
მისივე თქმით, ამ კადრების გასაჯაროებით საზოგადოება დარწმუნდა, თუ როგორ მძიმე პირობებში იმყოფება მიხეილ სააკაშვილი.
“ძალიან მძიმე საყურებელი იყო ჩემთვის, თუმცა ისედაც ხშირად შევდიოდი და ჩემთვის ახალი არ ყოფილა. დანამდვილებით შემიძლია დაგიდასტუროთ, რომ მიშას მდგომარეობა კრიტიკულზე მძიმეა…რა გააკეთა დღევანდელი კადრების გასაჯაროებით ხელისუფლებამ ნამდვილად არ ვიცი. ეს ადამიანის უფლებების შელახვაა. როდესაც ევროპაზე გაქვს პრეტენზია, მმართველი პარტიისგან მსგავსი კადრების ჩვენება ამაზრზენია.
ყველამ კარგად იცის, რა მდგომარეობაშია მიხეილ სააკაშვილი. კადრები იყო ამოჭრილი და დამონტაჟებული. ვფიქრობ ვერაფერს მიაღწიეს და ხალხმა დაინახა, როგორ მძიმე პირობებში ამყოფებს ხელისუფლება სააკაშვილს. საზოგადოება უნდა გაერთიანდეს და დავანახოთ მმართველ ძალას, რომ სააკაშვილის სიცოცხლის გაწირვას არ ვაპირებთ. სააკაშვილი ისტორიაში მნიშვნელოვან ფიგურად დარჩება, ხოლო “ოცნება” როგორც მოვიდა, ისე წავა”, – საუბრობს გიორგი სააკაშვილი.
