ჯაბა სამუშია ივანე ჯავახიშვილის სახელობის თბილისის სახელმწიფო უნივერსიტეტის რექტორად აირჩიეს. რექტორის არჩევნები ცოტა ხნის წინ დასრულდა, სადაც აკადემიური საბჭოს 38 წევრმა, კენჭისყრის შედეგად თსუ-ს რექტორად წარმოდგენილ ერთადერთ კანდიდატს, ჯაბა სამუშიას დაუჭირა მხარი.
თსუ-ს აკადემიურმა საბჭომ 30-ე რექტორად ჯაბა სამუშია 4 წლის ვადით აირჩია.
ჯაბა სამუშია ამ დრომდე რექტორის მოვალეობის შემსრულებლად იყო არჩეული.
ცნობისთვის, თსუ-ს რექტორმა გიორგი შარვაშიძემ თანამდებობიდან გადადგომის თაობაზე აკადემიურ საბჭოს 7 ოქტომბერს მიმართა.
