მკაცრად ვგმობ უკრაინის ქალაქ დნიპროში, საცხოვრებელ კორპუსზე განხორციელებულ სასტიკ თავდასხმას, - ამის შესახებ საქართველოს პრეზიდენტმა სალომე ზურაბიშვილმა განაცხადა.
“ჩვენ ვდგავართ მათ გვერდით, ვინც დაკარგა საყვარელი ადამიანები დნიპროსა და მთელს უკრაინაში“, - აღნიშნა ზურაბიშვილმა.
მისი თქმით, მშვიდობიანი მოსახლეობის წინააღმდეგ ძალადობის მიუღებელი დემონსტრირება, საერთაშორისო სამართლის ყველა ნორმის დარღვევაა.
შეგახსენებთ, ქალაქ დნიპროში, საცხოვრებელ კორპუსზე განხორციელებული სარაკეტო იერიშის შედეგად დაღუპილია 20-მდე ადამიანი, დაზიანებები მიიღო 80-მდე და გადარჩენილია 38 ადამიანი.
