დღეს, 17 იანვარს, 11:00 საათზე, თბილისის საქალაქო სასამართლოში მიხეილ სააკაშვილისთვის სასჯელის გადავადების, ან სასჯელისგან გათავისუფდაკავშირებული მორიგი პროცესი გაიმართება.
მიხეილ სააკაშვილის დღევანდელ სასამართლო პროცესზე ექიმ-ექსპერტების გამოკითხვა იგეგმება.
უფლებადამცველები დააყენებენ შუამდგომლობას, რომ მოწმეების დაკითხვა მაქსიმუმ 30 წუთი გაგრძელდეს.
როგორც მესამე პრეზიდენტის, დედამ, გიული ალასანიამ გუშინ „ვივამედში“ მიხეილ სააკაშვილის მონახულების შემდეგ განაცხადა, ექსპრეზიდენტი მზად არის, სასამართლოს ჩაერთოს.
„ჩემი აზრია, რომ ჯანმრთელობა არ აძლევს მას ამის შესაძლებლობას. არ ვიცი, ექიმების აზრი იქნება გადამწყვეტი”,- განაცხადა ჟურნალისტებთან ალასანიამ.
ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს.
საქმეს მოსამართლე გიორგი არევაძე განიხილავს.
