გუშინ, „ქართული ოცნების“ სპეციალურმა დანაყოფმა, ე.წ. ხალხის ძალამ თქვა, რომ დასავლეთს უნდა მიხეილ სააკაშვილის ლიკვიდაცია - ეს არის წინასწარ გამოცხადებული სიკვდილის ქრონიკა, - ამის შესახებ „სტრატეგია აღმაშენებლის“ ერთ-ერთმა ლიდერმა, დეპუტატმა პაატა მანჯგალაძემ ჟურნალისტებთან საქალაქო სასამართლოში განაცხადა.
როგორც ის აღნიშნავს, ქვეყანაში სასამართლო არ გვაქვს.
„გუშინ, „ქართული ოცნების“ სპეციალურმა დანაყოფმა, ე.წ. ხალხის ძალამ თქვა, რომ დასავლეთს უნდა მიხეილ სააკაშვილის ლიკვიდაცია. ეს არის პრევენცია, ამაში ვხედავ რუსულ კვალს, ხელწერას, რომ ადამიანი გაანადგურონ, ამაზე კი არ აიღონ პასუხისმგებლობა, არამედ დააბრალონ სხვას. ეს არის წინასწარ გამოცხადებული სიკვდილის ქრონიკა. სასამართლო არ გვაქვს, შესაბამისად მოლოდინი არ მაქვს“,- აღნიშნავს მანჯგალაძე.
